Қазақстандағы мейрамханалар желісіне ие  ресейлік кәсіпкер Александр Орлов блогер Ұлықбек Шәріповке берген сұхбатында жұмысқа қабылдау кезінде адамның артық салмағы барларды жұмысқа қабылдамайтынын айтты, деп хабарлайды KYN.KZ тілшісі. 

Ұлықбек Шәріпов ресейлік кәсіпкерден жұмысқа орналасу кезінде адамның қандай қасиеттерге назар аударатынын сұрады.

"Мен артық салмағы бар адамдарды жұмысқа алмаймын. Шынында да, мен жұмысқа артық салмағы барларды алған емеспін. Бұл әзіл емес. Мен жоғарғы позицияға жете алмаймын", - деп жауап берді Александр Орлов.

"Бұл хайп емес. Менің ойымша, менің көптеген достарым, таныстарым бар, олар бұған келіседі. Артық салмағы бар адамдар,  өзіне қарамаған адамдар, жұмысқа қабылданбағаны дұрыс, бұл қауіпті", - деді ресейлік кәсіпкер.Оның пікірінше, егер олар өз денелерін басқара алмаса, онда олар жұмысты да басқара алмайды.

"Дене - сізде бар ең құнды нәрсе. Қалғанының бәрі дене сияқты құнды емес. Сізге туылған кезде жоғарыдан дене беріледі. Бұл ең құнды, және сіз оны қабылдадыңыз. Бұл не туралы айтады? Егер сізде бар ең құнды нәрсе болса, сіз оны құртсаңыз, содан кейін барлық басқа жобаларды құртасыз, соның ішінде жұмыс", - деді кәсіпкер.