"Мақтануға қорқам": Гүлзира Айдарбекова ортаншы келініне ерекше жазба арнады
Продюсер: Мақтауға лайықсың, тек көз тиіп кетпесе екен
Танымал продюсер Гүлзира Айдарбекова екінші ұлы Аянның келіншегі Айгерімді туған күнімен құттықтады. Ол желідегі парақшасына жүрекжарды тілегін қалдырған, деп жазады KYN.KZ тілшісі.
"Айналдым ақ келінімнен! Жаным сол, бүгін сенің туған күнің! Алла саған ғұмырлы да мәнді ұзақ өмір жазсын! Менің түсінгенім, өмірлік жарын жүрегінің пәктігімен шын сүйген келін, күйеуінің ата-анасын, өзінің ата-анасындай, оның бауырларын өз бауырындай уақыт келе қабылдай біледі екен. Ата-анаға деген құрметті бізге сезіндіре алғаның үшін, бізге деген жылылығың үшін біз сені отбасымызбен жақсы көреміз. Оны бақылап отырған оқырмандарым да сені көп мақтай бермесем де байқап жатқандары шындық. Мақтауға тұрарлықсың, тек көз тимесе екен деген ниетпен… мақтануға қорқақтайтыным рас. Азғырушылар да аз болған жоқ, бірақ соның бәріне жол бермей, даналығын айтып, тектілігімен көрсетіп, тәрбие беріп отырған, сені өмірге алып келген Дана құдағиыма, Алихан құдамызға мың алғыс! Аян екеуің 100 жасап, ұрпақтарыңның бақытын көруді жазсын Алла", - деп құттықтауын білдірді Гүлзира ханым.