Аралтөбеде араққа тойып алып ұрыс іздеген адам мылтықпен үш ауылдасын жарақаттады
2 жасар бала мен әжесі жарақаттанып ауруханада жатыр
Батыс Қазақстан облысында ішіп алған ауыл тұрғыны мылтығымен үш адамды жаралаған деп хабарлайды, KYN.KZ тілшісі KTK арнасына сілтеме жасап.
Аралтөбе ауылында ішіп шу шығарған аңшы ұсталды. Араққа тойып алған 48 жастағы азамат жанжалдасып, арқыры төбелес шығарады.
Жапа шеккендердің бірі 2 жаста. Кішкентай баланың қасында жүрген әжесі де жарақаттанды. Бытыра аяқтарына тиген, қазір ауруханада.
Оқиға орнынан ізін суытып үлгерген кінәліні, тәртіп сақшылары түні бойы іздеп, тапқан. Қазіргі таңда адам өлтіруге оқталу бабымен іс қозғалуда.