Отан алдындағы борышын өтеп жүрген сарбаз қайтуына 10 күн қалғанда қайтыс болды
Сарбаздың әкесі: басшылардан күмәнданамын...
Отан алдындағы борышын өтеп жүрген сарбаз қайтуына 10 күн қалғанда қаза тапты, деп хабарлайды KYN.KZ тілшісі.
Түркістанда 2037 әсери бөлімде борыш өтеп жүрген Нұрғасыр Темірбеков өте ауыр темірге бастырылып қайтыс болған. Нұрғасырдың ата-анасы баласының еңбекке құштар екенін айтты. Қаза тапқан сарбаздың отбасы бұл іске жауапты қызметкерлердің өз жазасын өтегенін қалайды.
Әкесімен соңғы рет сөйлесу барысында сарбаз әскери борышы аяқталған соң, үйіне барып жәрдем беретінін айтқан. Сол телефон қоңырауынан кейін отбасына шалынған қоңырау суық хабар болды.
Сарбаз өз еркімен әскерге кеткен еді дейді ата-анасы. Олардың сөзінше осы іске қатысты кім жауап беретіні, іс қозғалуы жайлы ештеңе айтылмаған. Әскери прокуратура осы оқиғаға қатысты тергеу басталғанын хабарлады.
Қаза болған сарбаздың ата-анасы жауаптылардың заң алдында жауап беруін талап етуде.