Имашев Зайытовпен "Дүмше депутатқа" арнауы шыққан күні-ақ татуласып алғанын айтты
Имашев: Ринатты қолдағандар қолдай беріңіздер. Еш қарсылығым жоқ.
Балғынбек Имашев депутат Ринат Зайытовпен "Дүмше депутатқа" арнауы шыққан күні-ақ татуласып алғанын айтты. Айтыскердің депутатқа арнап жазған арнауы халық арасында дау тудырған еді, деп хабарлайды KYN.KZ тілшісі.
Қыркүйек айының 18-і күні айтыскер Балғынбек Имашев Ринат Зайытовтың "80% алаяқтар намазхандар" деген сөзіне қатысты пікір білдіріп, жыр арнаған. Өз ойын инстаграм парақшасына жариялаған. Сол оқиғаға байланысты дау туындаған соң, айтыскер жағдайды түсіндіріп, сол күні-ақ депутатпен келісімге келіп, сөйлескенін айтты.
Еске сала кетейік, бұған дейін Айгүл Орынбектің айтыскер, ақын Балғынбек Имашевқа жұрттан алдап алған ақшаны қайтаруын сұрағанын жазып едік. Имашев Айгүл Орынбекке алдағы уақытта жауап беретінін айтты.