Актриса Жұлдыз Әбдікәрімова үлкен ұлы Нарұлдың бүгін жағдайы нашарлап, ауруханада тексерістен өткенін айтты. Тележүргізуші Instagram парақшасында ұлының жүрегіне бірнеше жыл бұрын ота жасалғанын баяндады.

"Бұл жігіт бүгін қорқытып, ауруханадан бір-ақ шықтық. Таңертең балаларымды мектепке қалдырып, алаңсыз жұмысыма кеткенмін. Нарұлдың жағдайы жап-жақсы болған. Бірнеше сағаттан кейін мектептен қоңырау түсіп, "Нарұлдың тынысы тарылып жатыр" деген хабар жеткізді. Аяқ-қолым қалтырап, кардиология орталығына әрең жеттім. Нарұлымның жүрегіне ота жасалғаннан бері алты жыл уақыт өтіпті. Нарұлдың жүрегі дәрігерлердің бақылауында. Жылына екі рет тексеріс өтеміз. Уайымдап, тілек тілеген баршаға алғыс білдіремін.Тексерістен өттік. Қазір жағдайы қалыпты", - деп жазды Жұлдыз Әбдікәрімова.

 Айта кетейік, Жұлдыз Әбдікәрімова көпбалалы ана. Оның екі қызы мен екі ұлы бар.