Назарбаевтың экс-құдасы мемлекетке тағы 30 млрд теңге аударды
Жүргізіліп жатқан сотқа дейінгі тергеу аясында Боранбаев тергеумен ынтымақтасуға ниетті екенін мәлімдеді.
Көгілдір отынды әкелу кезінде қаражат ұрлау фактісі бойынша жүргізілген тергеу аясында Боранбаев 14,5 млрд теңге көлемінде материалдық шығын өтеген болатын.
Бизнесмен және Қазақстанның тұңғыш президентінің бұрынғы құдасы Қайрат Боранбаев білім беру инфрақұрылымын қолдау қорына 30 млрд теңгеден астам қаржы аударды.
"Боранбаевқа тиесілі компаниялар шетелден қайтарылған қаражат есебінен Білім беру инфрақұрылымын қолдау қорына 66 млн АҚШ долларын, яғни 30 млрд теңгеден астам қаржы аударды", - делінген қаржылық мониторинг агенттігінің хабарламасында.
Еске салайық, көгілдір отынды әкелу кезінде қаражат ұрлау фактісі бойынша жүргізілген тергеу аясында Боранбаев 14,5 млрд теңге көлемінде материалдық шығын өтеген болатын.
Қайрат Боранбаев – Қазақстандағы McDonald's франшизасының иесі, сонымен қатар жылжымайтын мүлік пен мұнай-газ секторында активтері бар ірі қазақстандық кәсіпкер. Ол ресейлік "Спутник V" коронавирусвакцинасын шығарған Қарағанды фармацевтикалық кешенінің акционері.