Тараз қаласының N2 сотының үкімімен Маңғыстау және Ақтөбе облыстарының тумалары қыз алып қашқаны үшін сотталды, деп жазады KYN.KZ тілшісі Жамбыл облыстық прокуратурасына сілтеп.

2022 жылдың көктемінде «Ж» есімді азамат ортақ достары арқылы «А» есімді азаматты кездестіреді.

Бірнеше кездесулерден кейін қыз одан әрі байланысудан бас тартты.
Алайда, осыған қарамастан азамат «Ф» одан әрі тұрмысқа шығу үшін қызды ұрлауға шешім қабылдаған.

2023 жылдың ақпан айында Тараз қаласына келіп, өзінің құрбысы азаматша «Ж» бірге өзінің жоспарын жүзеге асыруға кірісіп, қызды алдап, күштеп көлікке отырғызып, қаладан шығып кетпек болған.Қыздың көмекке шақырған айқайын естіген көршілері полиция шақырған.Полицейлер жедел әрекет етіп, күдіктілердің көлігін ұстады.

2023 жылдың 21 қыркүйегінде сот үкімімен күйеу жігіт те, оның досы да Қазақстан Республикасы Қылмыстық кодексінің 125 бабы 2-бөлігінің 1-тармағы бойынша сотталып, 7 жылға бас бостандығынан айырылды.

Үкім заңды күшіне енген жоқ.
Ұрлау, оның ішінде қыз алып қашу адам құқықтарын және бостандық пен теңдіктің негізгі принциптерін бұзу болып табылатынын атап өткен жөн.

Осыған байланысты прокуратура адам ұрлаудың нақты бас бостандығынан айырумен жазаланатын ауыр қылмыс екенін ескертеді.