“АрселорМиттал Теміртау” басшысы күніне 1 млн теңге жалақы алып отырған
Басшыға 2021 жылы айына 31,3 млн теңге төленіп отырған
"АрселорМиттал Теміртау" компаниясының басқарушысы Палаватху Кришнан Наир Биджуға 2021 жылы 375,9 млн теңге немесе айына 31,3 млн теңге төлегені белгілі болды. Бұл деректерді Finance.kz Telegram арнасы жариялады, деп хабарлайды KYN.KZ.
Finance.kz-тің мәліметінше, компания басқарушысы бір күнде 1млн теңге жалақы алып отырған.
2022 жылғы деректер жоқ, компания оларды жай ғана қаржылық есептілік депозитарийінің порталына жүктемеген. Алайда қаржылық есептер 31 тамызға дейін болуы тиіс еді. 2020 жылы Палаватху Кришнан Наир Биджу 344 миллион теңге алды. 2019 жылы оның алдындағы басшысы Парамжит Сингх Калон 328 миллион теңге алды. 2022 жылдың тамызында берілген соңғы есепке сәйкес, АрселорМитталдың 2021 жылы таза пайдасы 215 миллиард теңгені құрады, делінген басылымда.
Еске салсақ, Қарағанды облысында Костенко атындағы шахтада жарылыс болған еді. Шахтадағы апаттан 46 кенші қаза тапты.