Астанада рұқсатсыз салынған тұрғын үй кешені бұзылады
Құрылыс салушы шарт талаптарын орындамаған және құрылысты өз бетінше бастаған
Астанада рұқсат құжаттарынсыз құрылысы жүргізілген «Көктөбе» ТК бұзылады, - деп хабарлайды KYN.KZ.
Ресми ақпаратқа сәйкес, тұрғын үй кешені Алматы ауданындағы Ш.Қалдаяқов пен К.Әзірбаев көшелерінің қиылысында орналасқан. Global Millennium ЖШС құрылыс салушысы қадалар жүргізіп, шұңқырын қазған, сол сияқты іргетасын құйып, 1-қабатын тұрғызған.
«Құрылыс салушы шарт талаптарын орындамаған және нысанның құрылысын өз бетінше бастаған. Құрылыс салушы құрылыс нормаларын бұзғаны үшін 316-бап (тиісті жобалау-сметалық құжаттамасыз), 319-бап (жерге тиісті құқықсыз өндірістік, тұрғын үй нысандарын заңсыз салу), 321-баптың 1-бөлігі (техникалық және авторлық қадағалауларсыз құрылысты жүзеге асыру), 463-баптың 1-бөлігі (рұқсатсыз іс-қимылдарды жүзеге асыру) бойынша ӘҚБтК ұйғарым бере отырып, жауапқа тартылды», - делінген хабарламада.