Қызылша ауруы: Астанадағы балалар ауруханасы 111%-ға толып кетті
Науқастардың 96%-ы вакцина алмаған
Аурухананың мәліметінше, қызылшамен ауырып, жансақтау бөліміне түскендер де бар, деп хабарлайды KYN.KZ.
«Көп ата-аналар әлі күнге дейін қызылшаның қаншалықты қауіпті екенін түсінбейді. Кейбір жеке сенімі бойынша олар вакцинадан бас тартады. Сенімсіз фактілерге сүйенеді. Бірақ ауру басқа аурулардың асқынуына апарады. Болашақта науқас балада қызылшадан мидың ісінуі, өкпенің абсцессі сияқты ауыр зардаптарға, саңырау болып қалуға әкелуі мүмкін», — дейді № 6 инфекция бөлімінің меңгерушісі Гүлмира Нұртазина.
Бұрын қызылшамен бір жастан асқан балалар ауыратын болса, қазір науқастардың арасында 5-6 айлық балалар бар екен.