Ақтөбе облысында ер адам "отбасын сақтап қаламын" деген желеумен әйелінің жұмысына барып, пышақтап кеткен
Оқиға Хромтаудағы банктердің бірінің бөлімшесінде болған
Жанжал кезінде пышақтың жүзі сынып, әйелдің иығында қалып қойған, деп хабарлайды KYN.KZ.
Соған қарамастан қаскөй жұбайының денесі мен басынан соққылап, оқиға орнынан қашып кеткен. Жағдайдың бәрі жәбірленушінің әріптестерінің көз алдында болады.
Сотта айыпталушы әйелін өлтіргісі келмегенін, керісінше “отбасын сақтап қалғысы” келгенін айтады. Нәтижесінде сот ер адамды “бұзақылық жасағаны үшін” алты жылға бас бостандығынан айыру туралы үкім шығарды.