Ашық қалған кәріз құдығы үшін әкімдерді жазалау ұсынылды
Бала құқықтары жөніндегі уәкіл Динара Зәкиева ашық кәріз құдықтарында бала өлімі жиілегенін айтты
Соңғы екі аптада Қызылорда мен Түркістан облысында 2 бала кәріз құдығына түсіп қаза болды, деп хабарлайды KYN.KZ.
Екі жағдайда да құдық әкімдікке тиесілі болған.
«Инфрақұрылымның қауіпсіздігін қамтамасыз етпеген және балалардың өліміне әкеп соқтыруына жол берген кінәлі лауазымды тұлғаларды тексеріп, жауапкершілікке тарту қажет деп санаймын. Мәселеге жергілікті атқарушы органдардың басшыларын да, аудан әкімдері жауапқа тарту қажет деген ойдамын», - деп жазды омбудсмен желіде.