Тоқаев өңір әкімдеріне өзін сән-салтанатпен күтіп алуға тыйым салды
Президент той-думан мен дастархан жаюға тыйым салғанын айтты
Мемлекет басшысы сұқбатында өңірлерге іссапарында өзін сән-салтанатпен күтіп алуға, той-думан мен аста-төк дастархан жаюға тыйым салғанын айтты, деп хабарлайды KYN.KZ.
«Президент ретінде алғаш рет ел аралауға шыққанымда, әкімдер салтанатты шаралар ұйымдастыруға, көл-көсір дастарқан жаюға, билбордтар орнатуға тырысты. Қазір мұның бәрі тыйылды. Мен облыстарға жұмыс бабымен ғана барамын. Уақыт өте келе жергілікті жерлерде де осындай жұмыс дағдысы қалыптасатынына сенімдімін. Халықты жинап, қыруар қаржы шығындап, салтанатты шаралар ұйымдастыру біржола тоқтатылады», - деді президент.