Ермек Тұрсынов: "Таптым-ау, сені" фильмі таза- катастрофа
Режиссер: Былапыт сөзге толы фильмге баратындар- ессіз, болашақ қылмыскерлер
Режиссер Ермек Тұрсынов Қазақстанда үлкен экрандардан беріліп жатқан фильмдерде не мән, не мағына, көрерменге берер бір де бір ақыл мен өнеге жоғын айтып күйінді. Ол Ютуб желісіндегі "Мүмкін емес" арнасына берген сұхбатында "Таптым-ау, сені" фильмін көрерменге жасаған қастандық деп атады. Сөзінше өзі сол фильмді көруге арнайы барған. Авторлардың халыққа ұсынған сапасыз өнімінен жиіркеніп, балағаттай жаздадым дейді ол.
Режиссер сонымен қатар, сахнада стендаперлер аузына келгенін айтатынын еске салады.
Ермек Тұрсынов Қазақстан бұрын үлкен түрме болғанын айтып, сол шаққа қайтып бара жатқан сияқтымыз деп қауіптенеді.