Шетелдік сайтта қазақстандықтардың жеке деректері тараған: БЖЗҚ мәлімдеме жасады
- автор kyn.kz
- 21 ақпан, 2024
- 511
![Шетелдік сайтта қазақстандықтардың жеке деректері тараған: БЖЗҚ мәлімдеме жасады](https://kyn.kz/uploads/resized-images/2024/02/1708506159.jpeg)
БЖЗҚ өкілдері GitHub сайтындағы құжаттарға белгісіз тұлғалар орналастырған қазақстандықтардың дербес деректерінің дерекқорынан шыққаны туралы желіде таралған ақпарат шындыққа сәйкес келмейтінін мәлімдеді. Бұл туралы KYN.KZ қордың ресми сайтына сілтеме жасап хабарлайды.
Қордан отандастарымыздың дербес деректері туралы мәліметтің шыққаны туралы дерек расталмады", - делінген мәлімдемеде.
БЖЗҚ қауіпсіздік қызметі GitHub сайтында орналастырылған деректерге егжей-тегжейлі талдау жүргізген.
"Нәтижесінде жарияланған каталогта enpf.kz сайтының сипаттамасы ғана көрсетілгені анықталды. Бұл сайт ашық ақпарат көзі және онда салымшылар мен алушылардың дербес деректері жоқ. Ақпараттық қауіпсіздікті қамтамасыз ету мақсатында қор киберқауіптерге қарсы тұру үшін заманауи жарақталған жүйені белсенді түрде қолданады. Бұл жүйе Қордың ақпараттық технологиялық (АТ) инфрақұрылымының сыртқы және ішкі периметрін аса белсенді қорғау әдістерін қамтиды", - деді БЗЖҚ өкілдері.
БЖЗҚ осы саладағы үздік әлемдік тәжірибелерді қолдана отырып, түрлі жағдайларға, ақпараттық қауіпсіздік қатерлері мен тәуекелдеріне уақытылы жауап беріп, қажетті шараларды қолдана алатынын еске салды.