БҚО-да әйел күйеуін өлтіру үшін киллер жалдаған
Ол мұндай әрекетке күйеуімен ортақ мүлікті бөліскісі келмегендіктен барған.
БҚО-да полиция күйеуін өлтіруге тапсырыс берген әйелді ұстады. Бұл туралы Polisia.kz сайтына сілтеме жасай отырып KYN.kz ақпарат агенттігі хабарлайды.
Облыстық ұйымдасқан қылмысқа қарсы күрес басқармасының жедел уәкілдері шұғыл түрде әрекет етіп, қылмысқа жол бермеді. Қылмысты ұйымдастырды деген күдікпен БҚО-ның екі тұрғыны ұсталды. Қылмысқа тапсырыс беруші күйеуімен мүлікті бөліскісі келмейтін әйел екені анықталды.
Күдіктілерден олардың кінәсін растайтын заттай дәлелдемелер тәркіленді. Тергеу мәліметтері бойынша, қаруды сатып алу және кісі өлтіруді орындау үшін тапсырыс беруші ұйымдастырушыға 1,3 млн теңге берген. Күдіктілер ұсталды, соттың санкциясымен оларға қатысты “қамауда ұстау” бұлтартпау шарасы таңдалды.
Қылмыстық іс кісі өлтіруге оқталу фактісі бойынша тергеліп жатыр. Күдіктілер 20 жылға дейін бас бостандығынан айырылуы мүмкін.
Қазір жәбірленушінің өміріне ешқандай қауіп жоқ.
Тергеу мүддесі үшін өзге мәліметтер жария етілмейді.