Қазақстанда Facebook, Youtube пен Instagram желісінің істемей қалу себебі айтылды
- автор kyn.kz
- 6 наурыз, 2024
- 711
![Қазақстанда Facebook, Youtube пен Instagram желісінің істемей қалу себебі айтылды](https://kyn.kz/uploads/resized-images/2024/03/1709697986.jpg)
Facebook қайта авторизация сұрайды. Логин мен кілт сөзді қабылдамайды. Youtube пен Instagram парақшалар да жаңармай тұр.
Әлеуметтік желілердің басшылығы бұл жағдайға байланысты түсініктеме берген жоқ.
Дүние жүзіндегі әлеуметтік желілердің жұмысын бақылайтын Downdetector сайтында Facebook жұмысындағы ақау туралы 90 мыңнан астам қолданушы хабарлады. Instagram-дағы ақаулық туралы 50 мыңнан астам қолданушы шағымданған.
Әлеуметтік желілерден жаппай ақау шығуының ықтимал себептерінің бірі – Қызыл теңіздегі интернет магистралінің зақымдалуы деп жазады әлемдік БАҚ көздері.
Йемендегі хусит көтерілісшілері Қызыл теңіз түбінен өтіп, ғаламдық интернет пен телекоммуникацияның жұмысын қамтамасыз ететін үш кабельді үзді, деп хабарлайды Associated Press.
Үзілген кабельдер Еуропаны, Азияны және Африканы байланыстырды және Қызыл теңіз арқылы өтетін трафиктің 25% қамтамасыз еткен, деп атап өтті Гонконгта орналасқан HGS Global Communication Limited.
– Бастапқы талдау зақымдалған кабель сегменттері Қызыл теңіздің оңтүстігінде, Йеменнің юрисдикциясына жататынын көрсетті, - деді HGC.
Дүние жүзіндегі әлеуметтік желілердің жұмысын бақылайтын Downdetector сайтында Facebook жұмысындағы ақау туралы 90 мыңнан астам қолданушы хабарлады. Instagram-дағы ақаулық туралы 50 мыңнан астам қолданушы шағымданған.
– Мәселе интернетте емес, бәрін тексердік, жұмыс істеп тұр. Операторлар да жұмысында ақау жоқтығын хабарлайды, – деп хабарлайды Қазақстанның цифрлық даму министрлігі.