Астанадағы қылмыстық істер жөніндегі мамандандырылған ауданаралық сотта Бишімбаев ісі бойынша алдын ала сот отырысы өтті.  Айыпталушы Қуандық Бишімбаевтың қорғаушылары BAU мейрамханасының камераларына түскен видео заңсыз түрде алынып, іске қосылғанын хабарлады, деп жазады inbusiness.kz-ке сілтеме жасап KYN.KZ. 

Сонымен қатар қорғаушылар өтінішінде Бишімбаев пен Нүкенованың қарым-қатынасына қатысты дәлелдерді қайта қарауды сұрап, жеке жазбаларда "Салтанаттың өзі Бишімбаевты қатты қызғанғанын" көруге болатынын айтты.

Олардың айтуынша, Бишімбаевтың әйелімен бірге тұрған кезде зәбір көрсеткені дәлелденбеген. Тіпті, олар 12 ай ішінде бірнеше рет шетелге демалуға шыққандарын атап өтті.

Экс-министрдің ісі бойынша тыңдауды судья Айжан Құлбаева жүргізеді. Бүгін отырыстың екінші күні. Қорғаушылар өтініші тыңдалып жатыр, Бишімбаев отырыс залына басқа есіктен әкелінді. Бүгін де журналистер отырыс залына кіргізілмеді. Қуандық Бишімбаевтың анасы мен қорғаушылары пікір білдіруден бас тартты.

Айта кетейік, бүгін, яғни 11 наурыз күні Бишімбаевтың кезекті сот отырысы өткен болптын. 

Бұрынғы министрге Қылмыстық кодекстің 99-бабы 2-бөлігі, 5-тармақ (кісі өлтіру, басқа адамға қасақана қасақана өлім жасау, ерекше қатыгездікпен), сондай-ақ 110-бабы 2-бөлігі, 1-тармағы (жүйелі түрде ұрып-соғу жолымен немесе өзге де зорлық-зомбылықпен физикалық және психикалық азап шектіру) бойынша айып тағылған.