Әлия Назарбаеваға қарсы арыз Қаржы мониторингі агенттігіне жолданды
Кәсіпкер Назарбаева мен Рогова 170 млн доллар тұратын кәсібін тартып алды деген мәлімдеме жасаған еді.
Бизнесмен жолдаған арыздың Бас прокуратураға түскені расталып отыр, деп хабарлайды KYN.KZ тілшісі Ulysmedia.kz сайтына сілтеме жасап.
Бас прокуратура Қаржы монитторингі агенттігіне Әлия Назарбаеваны және Конституциялық кеңестің бұрынғы төрағасының жұбайы Игорь Роговтың әйелі Валентина Рогованың 170 миллион долларлық бизнесті рейдерлік басып алды деп айыптаған кәсіпкердің мәлімдемесі жөнінде түсініктеме берген.
Арызды кім жолдады
Таяуда Астанадағы Ұлттық баспасөз клубында баспасөз мәслихатын өткізген бизнесмен Нұрлан Бимурзин мен қоғамдық өкіл Жарқын Күрентаев мәлімдеме жасаған еді. Бизнесмен сол кезде 20 жыл бұрын активін экс-президент Нұрсұлтан Назарбаевтың қызы Әлия Назарбаева тартып алғанын айтып, Бас прокуратураға арыз түсіргенін мәлімдеген болатын.
Бизнесмен өзінің сол кездегі активін 170 млн долларға бағалайды. Жеті мұнай базасы мен 96 жанар-жағармай құю бекеті болғанын айтады. Бимурзин 2024 жылдың 19 ақпанында Бас прокуратураға арыз түсірген.