Алматы қаласының әкімі Нұрсұлтан шыңына шықты
Әкім бұл жеңісін елбасының туған күніне арнаған
Алматы қаласының әкімі Бауыржан Байбек Нұрсұлтан шыңын бағындырды. Бұл туралы Instagram-дағы жеке парақшасында Альпинизм федерациясының вице-президенті Ержан Еркінбаев хабарлады. «Бүгін Алматы әкімімен бірге Нұрсұлтан шыңына шықтық. Баршаңызды Астананың 20 жылдығымен және елбасының туған күнімен құттықтаймыз», - делінген жазбада. Сондай-ақ алматылықтар 8 шілде күні өтетін Нұрсұлтан шыңына шығу альпиниадасына шақырылды. Бұл шара салауатты өмір салтын насихаттау және жастар арасында белсенді демалысты ұйымдастыру мақсатында жыл сайын өткізіледі. Былтыр альпиниада әлемнің түкпір-түкпірінен 5 мың адам жиналған болатын. Биыл шыңды бағындыру шарасы Астананың 20 жылдығына арналып отыр.