Бүгін Астанадағы сотта Бишімбаев мен Байжановтың SMS-пен хат алмасуы жарияланды, деп хабарлайды KYN.KZ  тілшісі Sputnik Қазақстан басылымына сілтеме жасап.

Жәбірленуші тараптың адвокаты тағы бір сотталушы Бақытжан Байжановтың ұялы телефонынан Бишімбаевқа жіберілген SMS-хабарламаларды жариялады. Сол арқылы экс-министр туысына видеолардың жоюға және марқұм Салтанаттың телефонын табуға тапсырма берген.

Екеуі орысша хат жазысқан.

Бишімбаев (13:21): - Камералардың бәрін жойып таста (Камеры все удали)

Бишімбаев (13:21): - Түнгі (жазбаларды - Sputnik) жойып таста (Камеры все удали)

Байжанов (13:21): - Жақсы (Хорошо)

Бишімбаев (13:23): - Барлық Гастроны жойып таста (Все Гастро убери )

Байжанов (13:24): - Жақсы, бәрін жойып жатырмын (Хорошо, все удаляю)

Бишімбаев (13:32): - Осында кел (Вернись)

Бишімбаев (13:32): - Оның телефонын табу керек (Нужно ее телефон найти)

Бишімбаев: - Бақытжан, жейдем машинада (Бахытжан, в машине рубашка)

Байжанов (14:02): - Мақұл (Есть)

Бишімбаев (14:02): - Жаңасын алып кел (Новое принеси)

Бишімбаев (14:02): - Барлық банкетті кейінге шегер (Отмени все банкеты)

Байжанов (14:03): - Фото. Осы ма? (осы сөзді қазақша жазды)

Бишімбаев (14:04): - Иә (Да)

Бишімбаев (14:30): - Қазақстан концерт залына соғып кет, ол жақта Салтаның пальтосы қалып қойды (Заедь в ЦКЗ Казахстан, там Салты пальто там осталось)

Байжанов (14:30): - Жақсы (Хорошо)

Бишімбаев (14:30): - Кіреберістен солға қарай (Слева от входа)

Бишімбаев (14:35): - Ал телефонды сөндірме (Ал телефон не отключай)

Бишімбаев (14:35): - Үйге апарып таста (Домой отвези)

Байжанов (14:35): Жақсы (Хорошо)

Қуандық Бишімбаевқа екі бап бойынша айып тағылып отыр.

Олар:

Қылмыстық кодекстің 99-бабы, 2-бөлігінің 6-тармағы – адам өлтіру, басқа адамды қасақана аса қатыгездікпен адам өлтіру қазаға ұшырату (15 жылдан 20 жылға дейін немесе өмір бойына бас бостандығынан айыру);

Қылмыстық кодекстің 110-бабы, 2-бөлігінің 1-тармағы - адамға дәрменсiз күйде екенi көрінеу белгiлi не кiнәлi адамға материалдық немесе өзгедей тәуелдi адамды қинау (4 жылдан 7 жылға дейін бас бостандығын шектеу немес осы мерзімге бас бостандығынан айыру);

Ал Байжанов Қылмыстық кодекстің 432-бабы (аса ауыр қылмысты жасырып қалу) және 434-бабы (аса ауыр қылмыс туралы хабарламау) бойынша айыпталып отыр. Сот бес күннің ішінде қылмыстық істі өндіріске алуға шешім қабылдайды.