Мәжіліс кулуарында ішкі істер вице-министрі Игорь Лепеха Қуандық Бишімбаевтың көлікпен бала қағып, жауапкершіліктен жалтарды деген сауалға қатысты мәлімдеме жасады, деп жазады KYN.KZ тілшісі.

"Негізі бала қағып кеткені туралы әзірге айтқым келмеген болатын. Бұл ақпарат әзірге расталмады. Біз Нүкенованың туыстарымен, ағасымен сөйлестік (Айтбек Амангелді – ред.). Ақпарат қайдан шыққанын білдік, тексердік. Бұл жерде басқа жағдай, ол әлі расталған жоқ, бірақ әлі де қарап жатырмыз", - деді Игорь Лепеха.

Еске сала кетейік, 1 сәуірде өткен сот отырысында эмоциясына ерік берген Салтанаттың анасы Бищімбаевтың көлікпен бала қағып кеткенін айтқан болатын.