Ұлттық қауіпсіздік комитеті төрағасының бұрынғы орынбасары Дәулет Ерғожин жаңа қылмыстық іс бойынша күдікке ілінді, деп хабарлайды KYN.KZ  тілшісі  Ulysmedia.kz сайтына сілтеме жасап.

Дереккөздердің хабарлауынша, Кәрім Мәсімовтің бұрынғы орынбасары қазақстандықтардың құпия деректерінің қытайлық GitHub сервистеріне өтіп кетуіне байланысты күдіктеніп отыр.

Бір қызығы, сол кезде Ерғожин Ұлттық қауіпсіздік мәселелерімен, соның ішінде киберкеңістік қауіпсіздігімен айналысқан. Атап айтқанда, ол арнайы жабдықтарды енгізуді қадағалауға жауапты болған.

Естеріңізге сала кетейік, Дәулет Ерғожин 2016 жылдың қараша айынан бастап ҚР ҰҚК төрағасының орынбасары қызметін атқарған және қаңтар айындағы оқиғалардан кейін жұмыстан босатылды.

2023 жылдың сәуірінде ол 15 жылға бас бостандығынан айырылды. Ерғожин Қазақстанда билікті күштеп басып алғаны (ҚК-нің 3-бөлігі, 179-бабы) және билік пен лауазымдық өкілеттіктерді асыра пайдаланғаны үшін кінәлі деп танылды (ҚК-нің 3-тармағы, 4-бөлігі, 362-бабы).

Қытай асқан деректер

Жуырда Қытайдың қоғамдық қауіпсіздік министрлігімен ынтымақтасатын iSoon құпия құжаттаманың жариялануына жол бергені белгілі болды. Файлдар GitHub қызметінде ашық қол жетімділікке орналастырылған.

Белгілі болғандай, ҚХР алынған деректерді талдай және сұрыптай отырып, интернеттегі жарияланымдарды бақылау жүйесі жасалған. Атап айтқанда, Қытай билігі үшін қызығушылық тудыратын тақырыптарды талқылауға мүмкіндік беретін Х әлеуметтік желісіндегі посттарды бақылау платформасы құрылыпты.

Арам пиғылды пысықайлар кез-келген ақпаратты алу арқылы Android және iOS құрылғыларына шабуыл жасай алады деп болжанып отыр. Құжаттарда Beeline, Kcell және Tele2 сияқты қазақстандық байланыс операторларының деректері жарияланғаны туралы хабарланады. "Қазақтелеком" және БЖЗҚ да тізімде бар екен.