Ақтауда лифттің ішінде ер адам әйелді соққыға жықты
Оқиға 27 сәуір күні Ақтаудағы 4-шағын аудандағы №7 үйдің лифтінде болған.
Ақтауда лифттің ішінде әйелді ұрған ер адам видеоға түсіп қалды. Аталмыш бейнежазба әлеуметтік желіге тарап кетті, - деп хабарлайды KYN.KZ сайты lada.kz-ке сілтеме жасап.
Оқиға 27 сәуір күні Ақтаудағы 4-шағын аудандағы №7 үйдің лифтінде болған. Кадрдан ер адамның әйелді тепкілеп, жұдырықтап жатқанын көреуге болады.
Құқық қорғау органдары күдіктінің ұсталғанын хабарлады. Құқық бұзушылық фактісі бойынша ер адам бес тәулікке дейін қамауға алынады.
"Отбасылық-тұрмыстық қатынастар саласындағы құқыққа қайшы әрекеті үшін ер адам жауапқа тартылды. Шешім қабылдау үшін материал сотқа жіберілді", - деп хабарлады полиция қызметкерлері.