Мәйітханада өлген адамдарды зорлады деген ер адам туралы тың дерек пайда болды
Талғат Уәли ер адамның сот-сараптамалық орталығына күзету бойынша қызмет көрсететін “Аят Секьюрити" жауапкершілігі шектеулі серіктестігінің қызметкері болғанын айтты
Әділет министрлігінің баспасөз хатшысы Талғат Уәли Алматыда мәйітханадағы өлген адамдармен жыныстық қатынас жасады деген күдікпен ұсталған ер адам туралы тың мәлімет айтты, – деп хабарлайды KYN.KZ ақпарат агенттігі.
«Бұл азамат сот-сараптама орталығымен және оның аумақтық бөлімшелерімен еңбек қатынасында тұрмағанын атап өткен жөн. Яғни, ол әділет органдарының қызметкері емес», – деді ол.
Ол 1980 жылы туған ер адамның сот-сараптамалық орталығына күзету бойынша қызмет көрсететін “Аят Секьюрити" жауапкершілігі шектеулі серіктестігінің қызметкері болғанын айтты.
«Егер заң тарапынан заң бұзу фактісі анықталса, бұл компаниямен жұмыс тоқтатылады. Бірақ бұл кәдімгі мемлекеттік сатып алулар негізінде өзінің қызметін көрсетіп отырған компанияның өкілі ретінде бізге жіберілген. Оны Әділет органдары немесе сот-сараптамалық орталығы жұмысқа қабылдамаған», – деді Талғат Уәли министрлік өткізген брифингте.