Алматыда аялдамадағы ер адам ерсі қылықтар жасап, жұрттың мазасын қашырды (Видео)
Ер адам аялдамада айғайлап, ерсі қылығымен жұртты шошытты
Алматыда аялдамалардың бірінде ер адам елдерге жүгіріп, өз-өзінен айғайлады. Оның бұл қылығы тұрғындардың зәресін алды, деп хабарлайды KYN.KZ ақпарат агенттігі.
Ол балағат сөздер айтып, ары-бері жүгірген. Адамдарға шабуыл жасап, төбелеспекші болады. Куәгерлердің бірі оны видеоға түсіріп алған.
Бұзақыны полицейлер дереу ұстап, оның үстінен ұсақ бұзақылық дерегі бойынша әкімшілік іс қозғаған. Полицияның мәліметінше, ер адам мас болған.
Алматы Полиция департаментінің баспасөз қызметі іс материалдары шешім қабылдау үшін сотқа жіберілгенін хабарлады.