Қоғам
«Бишімбаев сияқты емеспін»: Талдықорғанда бұрынғы сүйіктісінің мойнын тілгілеген ер адам сотталды
- автор Томирис Тоныкөк
- 13 мамыр, 2024
- 533
![«Бишімбаев сияқты емеспін»: Талдықорғанда бұрынғы сүйіктісінің мойнын тілгілеген ер адам сотталды](https://kyn.kz/uploads/resized-images/2024/05/1715595840.webp)
Ер адам сотта кешірім сұрап, алайда өз кінәсін тек бұзақылық жасағаны үшін ғана мойындаған
Талдықорғанда бұрынғы сүйіктісінің мойнын тілгілеп, өлтірмек болған ер адам 11 жыл 7 айға бас бостандығынан айырылды, деп хабарлайды KYN.KZ ақпарат агенттігі "Немолчи" қорына сілтеме жасап.
Ол «Кісі өлтіруге оқталу» (99-бап) және «Бұзақылық» (293-бап) екі бап бойынша сотталды.
Айта кетсек, бойжеткеннің бұрынғы сүйіктісі оның жұмысына келіп, соққыға жыққан. Шабуыл жасап, пышақпен мойнын тілгілеген болатын.
«Айыпталушы кешірім сұрады. Сондай-ақ, «Мен өзгелер айтып жатқандай Бишімбаев сияқты емеспін» деп айтты. Өз кінәсін тек бұзақылық жасау ісі бойынша мойындады. Қызды жақсы көргені соншалық, оның мойнын тілгілеген», - дейді Дина Таңсәрі жазбасында.
Сот үкімі әлі күшіне енген жоқ.