Павлодар облысында ер адам толғағы қысқан әйелін өзі босандырған
Әйелінің толғағының жиілегенін хабарлаған ер адам жедел жәрдем келгенше оны өзі босандырып үлгерген
Павлодар облысында күйеуі жүкті әйелін өзі босандырып алған. Оған телефон арқылы 103 диспетчері көмектескен, деп хабарлайды KYN.KZ ақпарат агенттігі pavlodarnews.kz-ке сілтеме жасап.
Жедел жәрдем көлігі жеткенше, диспетчер ер адамға босандыру жайында нұсқаулар беріп отырған.
"Жедел жәрдемге 31 мамыр күні шамамен таңғы сағат төртте Майқайың ауылынан шұғыл қоңырау түскен. Ер адам 24 жастағы жүкті әйелінің толғағы жиілегенін айтқан", - делінген хабарламада.