2024 жылғы ҰБТ-дан ең жоғары балды кім алғаны белгілі болды
Өңір әкімдігінің мәліметінше, биыл ҰБТ-ға қатысу үшін Түркістан облысынан 27 340 оқушы өтініш берген.
Кентаулық түлек Айдос Қожанов ұлттық бірыңғай тестілеуде (ҰБТ) ең жоғары нәтижеге қол жеткізіп, 138 бал жинады, деп хабарлайды KYN.KZ тілшісі Ulysmedia.kz-ке сілтеме жасап.
Бұл туралы Түркістан облысы әкімдігінің сайты хабарлады. ҰБТ-дағы ең жоғары бал – 140.
Айдос Ю.Гагарин атындағы №16 мектеп-лицейінде 10 жыл оқыған. Ал 11-ші сыныпта "Грант" мектебіне ауысқан. Болашақта ол математика пәнінің мұғалімі болуды жоспарлап отыр.
Өңір әкімдігінің мәліметінше, биыл ҰБТ-ға қатысу үшін Түркістан облысынан 27 340 оқушы өтініш берген. Ғылым және жоғары білім министрлігі жұма күні 2024 жылғы ҰБТ-ның аралық нәтижелерін жариялаған еді.
Тестті өткізушілер 31 қазанға дейін бейнежазбаларға талдау жүргізілетінін еске салды. Тыйым салынған заттарды пайдаланып, ережелер бұзылған жағдайда тест нәтижесі жойылады.