Атырауда дүкен кассирін бұрын азаматтық некеде тұрған күйеуі аңдып тұрып пышақтап кеткен. Әйел алған жарақатынан қансырап, қазір аурухананың жансақтау бөлімінде жатыр.

Видео #Немолчи қорына келіп түскен. Кадрда ер адам әйелге пышақпен тап берген. Тап берген адам оның бұрынғы жігіті.

- Ол бірнеше рет пышақ салған, олардың бірі денеге терең сұғылған. Мұқият қараңыз ол пышақты тамаққа қарай қалай бағыттайды. Сондай-ақ, баспалдақтың астында жасырынып, оны күтіп тұрғанына назар аударыңыз.

Әйел қаланың белгілі супермаркетінде жұмыс істейді, кіреберістегі дәретханаға шыққан. Қазір ол реанимацияда жатыр, – делінген хабарламада.

Облыстық ПД мәліметінше, ер адам мен әйел азаматтық некеде болған. Қазір шабуылдаған адам іздестіріліп жатыр.

9 маусым күні Атырау қаласындағы көпқабатты үйлердің бірінде 30 жастағы әйелді өлтіруге оқталған 29 жастағы күдіктіге қатысты қылмыстық іс қозғалып, тергеу басталды. Жеке басы анықталып, күдіктіні ұстауға бағытталған жедел-іздестіру шаралары жүргізіліп жатыр. Сот-медициналық сараптамасы тағайындалды. Күдікті мен жәбірленушінің азаматтық некеде тұрғаны анықталды, - делінген Атырау облыстық Полиция департаментінің баспасөз қызметі таратқан мәліметте.