Gorilla «мен түсінетін тілде сөйле» деген автопилот Чекменевті іс-шаралардан шеттетті
Ол осыған дейін дөрекі түрде қазақ тілінде сұрақ қойған адамға орыс тілінде сөйлеуді бұйырған еді.
Gorilla Energy Kazakhstan компаниясы Gorilla Drift Championship басшысы Артем Чекменевтің қазақ тілінде сөйлеуден бас тартқан видеосына түсініктеме берді, деп хабарлайды KYN.KZ тілшісі Ulysmedia.kz сайтына сілтеме жасап.
Gorilla energy бұл оқиға 2 маусымда республикалық драг-жарыс турнирінің кезеңі кезінде болғанын хабарлады.
– Gorilla energy осы спорттық іс-шараның ресми демеушісі әрі ұйымдастырушысы емес екенін ескере отырып, біздің пікір қосқанымыз дұрыс болмайды деп санаймыз. Сондай-ақ, Артем Чекменев Gorilla energy компаниясының ресми бренд-елшісі емес екенін хабарлаймыз, өйткені онымен келісімшарт 2021 жылы аяқталған. Қазір тараптарда өзара міндеттеме жоқ, - делінген хабарламада.
Компания Артем Чекменевтің Gorilla Drift Championship жарысын ұйымдастырушылардың бірі екенін растады.
– Қазіргі жағдайларды ескере отырып, біз Артем Чекменевті осы оқиғаны ішкі тергеу аяқталғанға дейін Gorilla Drift Championship пен біздің брендке қатысты басқа да спорттық іс-шараларды өткізуде барлық ұйымдастырушылық мәселелерден уақытша шеттету шешім қабылдадық, - деп хабарлады компания.
Бұған дейін әлеуметтік желілерде Gorilla Drift Championship турнирінің негізін қалаушы әрі жетекшісі Артем Чекменевтің қазақ тілінде сөйлеуден дөрекі түрде бас тартқан видеосы талқыланған еді.