Қазгидромет: шілдеде бірқатар аймақта құрғақшылық болады
Шілденің шіліңгір ыстығы Батыс Қазақстан мен Оңтүстік өңірлерде қатты сезіледі
Биыл құрғақшылық болады деген аймақтардың ауқымы едәуір кеңейе түсті. «Қазгидромет» жыл басында жариялаған шілде айының болжамын қайта жаңартты, деп хабарлайды KYN.KZ ақпарат агенттігі КТК арнасына сілтеме жасап.
Метеоқызмет мамандарының мәліметінше, шілденің шіліңгір ыстығы Батыс Қазақстан мен Оңтүстік өңірлерде қатты сезіледі.
Құрғақ ауа райы, әсіресе, Жамбыл, Алматы мен Шығыс Қазақстан облысының таулы аймақтарына болады деп болжануда. Ал бұған дейін кенезесі кепкен Орталық Қазақстан облысында ылғалды ауа райы күтіледі.