«Сынақтан сүрінбей өттік»: Мейрамбек Бесбаевтың әйелі отбасылық өмірі туралы сыр шертті

Әнші Мейрамбек Бесбаевтың жары, дизайнер Мархабат Бесбаева шаңырақ көтергендеріне 20 жыл толғанын жазып, жарына деген тілегін жеткізді, деп хабарлайды KYN.KZ ақпарат агенттігі.

Ол отбасылық өмірдегі естеліктерін есіне алды.

«Бүгін бізге 20 жыл. 8.07.2004 – 8.07.2024. Біздің үйлену тойымыз болған күн. Мен сол бір тамаша күнді жиі еске аламын. Жадымдағы жылы естеліктер жүрегімнің түбінде сақтаулы. Қызығы мен қиындығы қатар қаншама сәттер болды. Қанша сынақтан сүрінбей өттік. Осының бәрі тағдырдың бізге берген сыйы. Аллаға шүкір! Мен жар таңдаудан қателеспеген бақытты жанмын. Жаным менің, саған күш-қуат пен сарқылмас төзім тілеймін. Біздің отбасымыз үшін, балаларымыздың болашағы үшін істеп жатқан еңбегің үшін, бізді алақаныңда ұстап аялағаның үшін мың алғыс. Біздің бақыт пен қуанышқа толы күндеріміз әлі алда», – деп жазды әншінің жұбайы.