Астанада автобус жүргізушісі әйелді қағып өлтірді (ВИДЕО)
Оқиға бойынша қылмыстық іс қозғалды
Астанада Тұран мен Сығанақ қиылысында автобус жаяу жүргіншіні соғып кетті. Әйел оқиға орнында көз жұмды, деп хабарлайды KYN.KZ ақпарат агенттігі.
«Автобус жүргізушісі Сығанақ көшесімен жүріп, Тұран даңғылына оңға бұрылу кезінде жолды реттелмейтін жаяу жүргіншілер өткелімен кесіп өткен жаяу жүргіншіні соққан. Әйел алған жарақаттарынан сол жерде қайтыс болды», - деп хабарлады полиция департаменті.
Оқиға бойынша қылмыстық іс қозғалды. Қажетті сараптамалар тағайындалды.