«Ақшамызды ұрлаттық»: Еуропаны шарлап жүрген Роза Әлқожа кедергілерге тап болғанын айтты
Алған билетіміз күйіп кетті, жолаушылар кетті
Белгілі әнші Роза Әлқожа Еуропа аралап жүріп, қалтасындағы ақшасын жоғалтып алғанын айтты, деп хабарлайды KYN.KZ тілшісі.
Ол саяхатта басынан өткен қызықтарын бөлісіп, ақшасын қалай жоғалтып қойғанын да айтты.
«Алматы-Стамбұл-Венеция-Котор-Миконос-Санторини-Анкона-Венеция-Милан-Венеция-Милан-Үргеніш-Ташкент-Алматы сапары түрлі қызықтарға толы болды. Төрт апа, бір ата, бір бала, бір бойжеткенмен бірге он сағат жол жүріп жеткен Венециядағы алғашқы әсер, судағы қаланы аралау, гандоласына міну ерекше болды! Грецияның қалаларын аралағанда да ел көрген бәрібір көкжиегіңді кеңітетінін сезінесің”, – деп жазды өнер иесі.
Әнші шетелді аралап ғана қоймай, түрлі кедергілерге де тап болған.
«Өзге елдің тұрмыс-тіршілігі, еркіндігі өз өзіңнен зерттеу мен зерделеуге мүмкіндік береді. Алланың қалауымен бәрі де болды. Миконоста ақшамызды ұрлаттық. Венециядан ұшқалы тұрғанда бір бірімізге сеніп паспортымыздың Миланда қалып қойғанын түсіндік. Алған билетіміз күйіп кетті, жолаушылар кетті, біз қайта Миланға пойызбен бара жаттық. Енді үйге аман-есен жетуге нәсіп етсін», – деп жазды ол.