“Сыйақы беріледі”: ҚМА қазақстандыққа іздеу жариялады
Төленбеген салық түріндегі мемлекетке келтірілген залалдың жалпы сомасы 1,5 миллиард теңгеден асады
ҚМА қазақстандыққа іздеу жарияланғаны туралы хабарлады, деп хабарлайды KYN.KZ ақпарат агенттігі Tengrinews.kz сайтына.
ҚМА іздеу жарияланғаны туралы хабарлады, Омаров Руслан Уланұлы, 28.07.1986 жылы туған, Ақтөбе облысы, Алға қаласының тумасы.
"Аталған азамат жұмыстарды нақты орындамай, қызмет көрсетпей және тауар жөнелтпей, жалған шот-фактуралар жазып бергені үшін күдікке ілінген. 2011 жылдан 2013 жылға дейін Омаров Р.У. Sunkar Logistics ЖШС директоры ретінде әрекет етіп, контрагенттерге 4 миллиард теңгеден астам сомаға жалған бухгалтерлік құжаттар жазып берген", - делінген хабарламада.
Мемлекеттік кірістер органдарының қорытындысы бойынша, төленбеген салық түріндегі мемлекетке келтірілген залалдың жалпы сомасы 1,5 миллиард теңгеден асады.
"Егер сіз іздестіріліп жатқан тұлғаның орналасқан жері туралы қандай да бір ақпарат білсеңіз, мына телефон нөмірлеріне хабарласуыңызды сұраймыз:
+7-701-770-08-65 - іздеу бойынша,
+7-7292-40-36-59 - кезекші бөлім.
Сыйақы мен анонимділікке кепіл беріледі", - делінген хабарламада.