Алматыда өгей қызын зорлаған ер адам 25 жылға сотталды. Бұл туралы заңгер Әлия Омарова өзінің желідегі парақшасында бөлісті, деп хабарлайды KYN.KZ ақпарат агенттігі.

Оның айтуынша, бүгін, 16 қыркүйекте Алматы қаласының мамандандырылған ауданаралық қылмыстық істер жөніндегі соты үкім шығарды.

“Зорлаушы кінәлі деп танылып, 25 жыл бас бостандығынан айырылды. Сонымен қатар, сот моральдық зиян ретінде 50 миллион теңге өндіріп алды,” – деп жазады Әлия Омарова.

Сондай-ақ, ол сот ең жоғары жаза тағайындағанын және өзінің тәжірибесінде алғаш рет осындай көлемде моральдық зиян өндірілгенін айтты.