Айтыскер ақын Айнұр Тұрсынбаева өзімен бірге жұмыс істеп жүрген інісі мен қайнысына автокөлік сыйға берді, деп хабарлайды KYN.KZ ақпарат агенттігі. 

Ол көпшілікке бауырларын себепсіз қуанта білуді тілеп, оқырмандарынан жақсы сөз жазуды сұрады.

«Бауырларыңызды себепсіз қуанту сіздерге де жұғысты болсын! Командамызда қос қуаныш! Біржан, Шерхан су жаңа көліктерің құтты болсын! Игіліктеріңе мініңдер! Төменге тілек жаза кетіңіз. Екеуі де білмейді. Іштерінен сезіп келе жатпауы да мүмкін», – деп жазды айтыскер ақын.

Ары қарай Тұрсынбаева екеуіне сыйлаған көлікті көрсетіп, кілтін оларға өзі ұсынған.

«Екеуі де ескі көлікпен командамыздың шаруасының бәріне шауып жүретін еді. Күтті ме, күтпеді ме, білмеймін. Екеуіне де салоннан су жаңа көлік әперіп жатырмыз», – деді желі жұлдызы.