"Бүгін – тарихи күн”: Тоқаев АЭС құрылысы бойынша референдумға келіп, дауыс берді
Мемлекет басшысы референдумды қолдайтынын жеткізді
Қасым-Жомарт Тоқаев АЭС құрылысы бойынша республикалық референдумда, дауыс берді, деп хабарлайды KYN.KZ ақпарат агенттігі.
Мемлекет басшысы өз таңдауын жасағаннан кейін БАҚ өкілдері үшін брифинг өткізді.
"Бүгін – тарихи күн. Халқымыз АЭС салу мәселесіне қатысты дауыс беріп жатыр. Референдум – тікелей демократияның өте тиімді тетігі. Халқымыз қандай шешім қабылдаса, мемлекетіміздің түпкі байламы да солай болады. Нәтиже оң болады деп ойлаймын. Шын мәнінде, бұл – тағдыршешті оқиға. Сондықтан мен референдумды қолдаймын", – деді Тоқаев.
Айта кетсек, бүгін Қазақстанда АЭС құрылысы бойынша референдум өтіп жатыр. Дауыс беру таңғы 07:00-ден кешкі 20:00-ге дейін жалғасады.