Елордада сотталған Қуандық Бишімбаевтың жазасын жеңілдетуді көздеп, 100 миллион теңгені жымқырды деп айыпталған Людмила Грачеваға қатысты сот талқылауы өтті, деп хабарлайды KYN.KZ ақпарат агенттігі informburo.kz сайтына сілтеме жасап.

Бұған дейін Людмила Грачева 1995 жылы экс-министр жасаған қылмысты ашу үшін Бишімбаевтар отбасымен қайта байланысуға шешім қабылдағанын айтқан болатын.

"Әділдікті қалайтын адам Людмила Грачева сияқты жасай ма? Мұндай қылмыс туралы 30 жылдан бері білетін адам осылай жасай ма? Оның шынайы ниеті – жәбірленушілерге сенім арту және осылайша қолма-қол ақшаны иемдену. Ал оның бұрыннан келе жатқан қылмыспен тарихы толығымен ойдан шығарылған", – деді прокурор Азамат Тоқтарбай жарыссөз кезінде. 

Оның айтуынша, филологиялық сараптама Грачеваның өзі Бишімбаевтың анасына алқабилерге пара беруді ұсынғанын және оны қылмысқа итермелегенін растады.

Прокурор Грачеваға жаза тағайындауды өтінді: 

ҚР ҚК 190-бабы, 4-бөлігі, 2-тармағы, 24-бабын қолдана отырып, "аса ірі мөлшердегі алаяқтық", 3-бөлігі, ҚР ҚК "қылмысқа дайындық және қылмысқа оқталу" бойынша 5 жыл бас бостандығынан айыру;

ҚР ҚК-нің 367-бабы, 4-бөлігі, 28-бабын қолдана отырып, "аса ірі мөлшерде пара беру", 4-бөлігі, "арандату" бойынша 11 жыл бас бостандығынан айыру. 

Мемлекеттік айыптаушы жауапкершілікті жеңілдететін мән-жай ретінде сотталушының жас балалары: 15 және 6 жастағы ұлдары бар деп таныды.

Сотталушының мүддесін қорғайтын адвокат Оксана Шевченко Людмила Грачеваны толық ақтауды сұрады. Грачеваның өзі де өз кінәсін мойындамады.