Ердоғанның басты қарсыласы Фетхуллаһ Гүлен көз жұмды
Гүленнің өлімі туралы ақпаратты оның жиені Эбуссеме Гүлен растады
Түркияда 2016 жылы әскери төңкеріс ұйымдастырды деген айып тағылған Фетхулаһ Гүлен Американың Пенсильвания штатындағы клиникада 83 жасқа қараған шағында дүниеден өтті, деп хабарлайды KYN.KZ ақпарат агенттігі.
Алайда, ол өзіне тағылған айыптарды жоққа шығарды.
Фетхулаһ Гүлен - түрік халқының ойшылы саналады. Ислам ғалымы, діни төзімділікке, кешірімділікке, білім беру жүйесін жетілдіруге бағытталған ұстанымдары арқылы әлемге танылған.
Гүленнің өлімі туралы ақпаратты оның жиені Эбуссеме Гүлен растады. Фетхуллах Гүлен 1999 жылдан бері АҚШ-та тұрады.
1999 жылдан бері АҚШ-та тұрып жатқан Гүлен кезінде Ердоғанның одақтасы болған. Ердоған мен оның діни консервативтік Әділет және даму партиясының 2002 жылы билікке келуіне көмектескен. Алайда одақтастар көп ұзамай билікті бөлісу дауы және Ердоғанның авторитарлық билеу тәсілі кесірінен араздасып қалды. Сол жылы мамыр айында Гүлен қозғалысы Түркияда террористік ұйым болып жарияланған.
Гүлен алғаш, 1960-жылдардың соңында, Измир мешітінде шешен уағызшы ретінде танылды. Ол 1999 жылы қысымға ұшырап, мемлекеттің зайырлы сипатын өзгерту үшін төңкеріс жасамақ болды деген айыппен қуғындалды. Бұл айып дәлелденбеді, бірақ ол АҚШ-та қалып қойды.
Түркияда төңкеріс бола жаздаған 2016 жылы Қазақстандағы қазақ-түрік лицейлері көп талқыланған. ҚТЛ-ді Түркия тарапы тікелей Гүленмен байланыстырған еді. Түркия президенті Ердоған "олар қауіпті, жауып тастау керек" десе, Қазақстан жағы "ол мектептер бізге керек, сапалы білім береді, оның түлектері халықаралық олимпиадаларда медалдарды көптеп алады әрі мұғалімдері 90 пайыз қазақ, сондықтан жаппаймыз" деген. Сол тұста аталған мектептерге тексеріс жүргізілетіні хабарланған. Қазір ол мектептер жұмысын жалғастырып жатыр. Қазір қазақ-түрік лицейлерінің атауы «Білім-инновация лицейі» деп өзгертілген.