6 қарашада болатын күшті жер сілкінісі: ТЖМ алматылықтарға мәлімдеме жасады
Жылдың соңына дейін күшті жойқын жер сілкінісі күтілмейтіні хабарланды
Төтенше жағдайлар министрлігі ата-аналар чаттарындағы Алматы мен Алматы облысында жойқын жер сілкінісі туралы ақпаратқа жауап берді, деп хабарлайды KYN.KZ ақпарат агенттігі.
Алматы облысында ата-аналар чатында «6 балдық жер сілкінісі болады» деген хабарлама таралып, оқушылардың келесі күні де сабақтан босатылғаны туралы ақпарат тарады.
Төтенше жағдайлар министрлігі бұл ақпаратты жоққа шығарды. Ведомствоның мәліметінше, Алматы қаласы мен Алматы облысында 6 баллға дейін жер сілкінісінің ықтималдығы жоқ.
Жылдың соңына дейін күшті жойқын жер сілкінісі күтілмейтіні хабарланды.
Алматы облысы білім басқармасының баспасөз қызметі де бұл ақпараттың жалған екенін хабарлады. Облыстық білім басқармаларына қазіргі уақытта Алматы полигоны аумағында 7 балл және одан жоғары сейсмикалық құбылыстар күтілмейтіні және жер сілкінісі ошағында әлсіреу процесі байқалатыны туралы ақпарат жіберілді.
«Облыстағы барлық білім беру мекемелерінде төтенше жағдайларда әрекет ету бойынша алдын ала оқу-жаттығу жұмыстары жүргізілді, мекеме басшылығы белгіленген хаттамаларды орындады: студенттер, оқытушылар мен техникалық қызметкерлер шұғыл түрде қауіпсіз аймақтарға көшірілді. Еңбекшіқазақ ауданында Есік қаласындағы алты мектептен 6960 оқушы, сондай-ақ жақын маңдағы елді мекендердегі мектеп пен балабақша тәрбиеленушілері үйлеріне жіберілді. Талғар ауданында Талғар қаласындағы 10 мектептен 12 529 оқушы мен балабақша тәрбиеленушілері үйлеріне оралды», - деп хабарлады ведомстводан.
Сараптама қорытындысынан кейін 6 қараша мектептерде сабақты оффлайн режимде жалғастыру туралы шешім қабылданды.