Қарағанды облысында екі бала көп қабатты тұрғын үйден құлап кетті
Қазір екі бала да ауруханада жатыр.
Қарағанды облысының екі қаласында екі бала биіктіктен құлап кетті. Қазіргі таңда олар ауруханада. Облыстық ТЖД-да хабарлағандай, 12 шілдеде Приозерскіде үлкендердің қарауынсыз қалған үш жасар бала 4-қабаттың балконынан құлап, ауруханаға жеткізілді. Сәтбаевта бірінші қабаттың терезесінен екі жасар бүлдіршін құлап, ауруханаға жеткізілді. Құтқарушылар ата-аналарды абай болуға және балаларын қараусыз қалдырмауға шақырады.