Уақыт белдеуінің қазақстандықтарға әсерін зерттеу үшін 160 млн теңге жұмсалмақ
Үкімет уақыт белдеуінің бұрынғы сағатқа ауыспайтынына нүкте қойған болатын
Жаңа уақыт белдеуі қазақстандықтарға қалай әсер ететінін зерттеу үшін 160 млн теңге сұралған. Бұл туралы бүгін ғылым және жоғарғы білім министрі Саясат Нұрбек мәлім етті, деп хабарлайды KYN.KZ ақпарат агенттігі azattyq-ruhy.kz сайтына сілтеме жасап.
«Үш жылғы бюджеттен 160 млн теңге сұралды. Шын мәнінде, 90-100 млн теңге бөлінеді деп ойлаймын. Конкурс жариялаймыз. Соңғы шешімді ұлттық ғылым кеңесі қабылдайды», - деп хабарлады Саясат Нұрбек.
Естеріңізге сала кетейік, күні кеше үкімет уақыт белдеуі бұрынғы сағатқа ауыспайтынын айтып, осы мәселеге нүкте қойды.