Шымкентте оқу-жаттығу кезінде граната жарылды: бірнеше курсант жарақат алды
Белгілі болғандай, екі курсант әлі ауруханада жатыр
Шымкентте оқу-жаттығу кезінде граната жарылып кетті. Салдарынан бірнеше курсант жарақат алды, деп хабарлайды KYN.KZ ақпарат агенттігі.
Әлеуметтік желілерде Шымкенттегі Бауыржан Момышұлы атындағы оқу орталығында полицейлер оқу-жаттығу өткізіп жатқаны туралы ақпарат шыққан болатын.
Бұл ақпаратты қалалық полиция департаментінің баспасөз қызметі растады.
"Бұл факті жоспарлы оқу-жаттығу шаралары кезінде орын алған. Оқиғаның барлық мән-жайын анықтау мақсатында тергеу амалдары жүргізілуде", – деп хабарлады Шымкент қалалық ішкі істер департаментінің баспасөз қызметі.
Белгілі болғандай, екі курсант әлі ауруханада жатыр.
"Қазіргі уақытта екі курсант медициналық мекемеде емделіп жатыр, олардың жағдайы тұрақты", – делінген хабарламада.