Төтенше жағдайлар министрлігі қазақстандықтарды мереке күндері қауіпсіздік ережелерін сақтауға шақырды. 14 желтоқсанда қызмет күшейтілген режиміне көшетінін мәлім етті, деп хабарлайды KYN.KZ ақпарат агенттігі ведомствоға сілтеме жасап.

Төтенше жағдайлар министрлігі азаматтарды демалыс және мереке күндері қауіпсіздік шараларын сақтауға шақырады. Ведомство өкілдері жаппай өткізілетін  іс-шаралар мен адамдардың, әсіресе қыста таза ауада демалу оқиғаларының көбеюіне байланысты төтенше жағдайлардың алдын алу маңызды деп ескертті.

Аппараттық кеңес барысында Қазақстанның Төтенше жағдайлар министрі генерал-майор Шыңғыс Әрінов ведомствоның аумақтық бөлімшелеріне алдын алу шараларын күшейту және қауіпсіздікті қамтамасыз ету жөнінде бірқатар нақты тапсырмалар берді.

"Қауіпсіздік ережелерін сақтау көптеген оқиғалардың алдын алады. Біз профилактикалық жұмысты күшейтіп, азаматтарды мұқият болуға шақырамыз", - деп ТЖМ басшысы атап өтті.

Өрт қауіпсіздігі, судағы, таудағы қауіпсіз жүріс-тұрыс және жол қозғалысы ережелерін сақтау мәселелері бойынша азаматтармен түсіндірме әңгімелесуге ерекше назар аударылатыны ескертілді.

"14 желтоқсаннан бастап ТЖМ бөлімшелері ТЖ қаупінің жоғарылауына байланысты қызметтің күшейтілген режиміне көшуде. Бұған қосымша рейдтер, жаппай өткізілетін іс-шараларды бақылау және демалыс орындарындағы қауіпсіздік кіреді. Сонымен қатар өрт-тактикалық жаттығулар, бизнес объектілерінің қызметкерлерімен нұсқамалар және ұсынымдар бере отырып, комиссиялық тексерулер өткізіледі", - делінген хабарламада.  

ТЖМ азаматтарға қауіпсіздіктің негізгі ережелерін сақтау қажеттігін ескертеді:  

 Өрт қауіпсіздігі: жылыту және электр аспаптарын пайдалану кезінде абай болыңыз, балаларды қараусыз қалдырмаңыз, пиротехниканы пайдалану кезінде қауіпсіздік шараларын сақтаңыз  

 Судағы қауіпсіздік: жұқа мұзға шықпаңыз, су айдындарында жүріс-тұрыс ережелерін сақтаңыз, балалардың қараусыз судың жанында болуына жол бермеңіз.   Таудағы қауіпсіздік: тексерілген жабдықты пайдаланыңыз, тиісті дайындықсыз және маршрутты білмей тау маршруттарына шықпаңыз.  

Жол қауіпсіздігі: жол ережелерін сақтаңыз, әсіресе қысқы ауа-райында және көлікті басқару кезінде мұқият болыңыз.