«Картамды толтырып қояды»: Ерке Есмахан үйінде ақшаны кім ұстайтынын айтты
Бұдан басқа оқырмандары Еркенің шылым шегетініне қатысты сұрақ қойды
Белгілі әнші Ерке Есмахан отбасында ақшаны кім ұстайтынын айтты, деп хабарлайды KYN.KZ ақпарат агенттігі.
Өнер иесі оқырмандарының өзіне қойған сұрақтарына жауап берді. Соның арасында отбасылық бюджетке қатысты сұрақ қойылған.
"Негізі сіздерге сол қызық? Маған мысалы біреудің үйінде ақшаны, бақшаны кім ұстайтыны мүлдем қызық емес екен. Ондай нәрсеге неге энергия құртасыздар? Қызық болса айта кетейін. Ақшаны табатын да, ұстайтын да – Райм. Бірақ мен ақша сұрамайтындай картамды толтырып қояды", – деп жауап берді Ерке.
Бұдан басқа “Темекі шегеді екен” деген сыбысқа нүкте қойды.
“Мені кім не демеді, не істемеді демеді. Өмірімді жиі талқылайтыны сонша, неше түрлісін қосып айта береді. Ерке еркек екен десе де таңғалмаймын”, – деп жауап берді өнер иесі.