Талғар қаласына жаңа әкім сайланды
Дауыс беруге 12 875 сайлаушы қатысқан.
Талғар ауданының аумақтық сайлау комиссиясы Талғар қаласының әкімін сайлау нәтижелерін жариялады, - деп хабарлайды KYN.KZ тілшісі.
Ресми мәліметке сәйкес, сайлаушылар тізіміне 42 774 азамат енгізілген. Ал дауыс беруге 12 875 сайлаушы қатысқан.
Кандидаттардың жалпы саны – 3. Талғар әкімін сайлаудың қорытындысы бойынша:
Абилхаирұлы Арыстанбекке 9071 сайлаушы дауыс берген;
Каденов Жанибек Жанбулатулына 9071 сайлаушы дауыс берген;
Рамазанов Әлібек Ғайсаұлына 1140 сайлаушы дауыс берген;
"Бәріне қарсымын" белгісі бар бюллетеньдер саны - 182.
- Сайлау қорытындысы бойынша Талғар қаласының әкімі болып Абилхаирұлы Арыстанбек сайланды. Ол 1983 жылы туған, "Талғар тұрғын үй" ЖШС -нің директоры, Талғар қаласының тұрғыны, - делінген хабарламада.