«Бала күтіміне берілетін жәрдемақыны 2 жылға дейін ұзарту керек»: премьер-министр жауап берді

Бұған дейін мәжіліс депутаттары бала күтімі үшін берілетін жәрдемақыны 2 жылға дейін ұзартуды ұсынған еді. Депутаттардың бұл бастамасына премьер-министр Олжас Бектенов жауап берді, деп хабарлайды KYN.KZ ақпарат агенттігі ulysmedia.kz сайтына сілтеме жасап.

Премьер-министрдің жауабына сәйкес, бүгінгі таңда Қазақстанда балалы болған кезде отбасыларға қолдау көрсету қағидаты халықаралық тәжірибелер негізінде белгіленген.  Мемлекет басшысының тапсырмасына сәйкес былтырдан бастап бала күтімі бойынша әлеуметтік төлемдер мен жәрдемақылар кезеңі 1 жастан 1,5 жасқа дейін ұзартылған. 2023 жылы Мемлекеттік әлеуметтік сақтандыру қорынан әлеуметтік тәуекелдердің 5 түрі бойынша әлеуметтік төлемдерді 1,2 миллионнан астам адам алған. Оның 85%-ы ана мен бала бойынша төлемдерге тиесілі.  

«Міндетті әлеуметтік сақтандыру жүйесі шеңберінде бала күтімі бойынша әлеуметтік төлемді алу кезеңін 1,5-тен 2 жасқа дейін әлеуметтік аударымдар мөлшерлемесін көбейту шартымен ғана ұлғайтуға болады. Ана мен баланы қорғау жөніндегі шараларды одан әрі жетілдіру кезең-кезеңімен, елдің экономикалық даму қарқынына пропорционалды және қаржылық мүмкіндіктерді ескере отырып жүзеге асырылады», – дейді Бектенов.

Жалпы жұмыс істемейтін әйелдер үшін бала 1,5 жасқа толғанға дейін оның күтіміне байланысты ай сайынғы мемлекеттік жәрдемақының мөлшері мынадай мөлшерлерде белгіленген:

• 1 балаға – 5,76 айлық есептік көрсеткіш;
• 2 балаға – 6,81 айлық есептік көрсеткіш;
• 3 балаға – 7,85 айлық есептік көрсеткіш;
• 4 және одан да көп балаға-8,90 айлық есептік көрсеткіш.

Жүктіліктің 30-шы аптасы (немесе көп ұрықты жүктілік кезіндегі 28-ші апта) басталған сәттен бастап әйел Қазақстанда декреттік демалысқа батыл шыға алады. Бұрын оған әлеуметтік көмек керек. Декретке шыққан кезде жұмыс істейтін қазақстандықтар 4 және одан да көп айға еңбекке жарамсыздық парағын алады, оған сәйкес оларға жүктілігі және босануы бойынша біржолғы әлеуметтік төлем есептеледі. Бала туғаннан кейінгі 1,5 жыл ішінде ай сайын бала күтімі бойынша ресми демалыста жүрген аналар 1,5 жасқа дейінгі бала күтімі бойынша әлеуметтік төлемдер алуы керек. Босанғанға дейін ресми жұмыс істеген әйелдер де әлеуметтік төлем алады, бірақ жалақыға байланысты әр түрлі болуы мүмкін. Бұл ретте, жұмыс істейтін қазақстандық әйелдің ең төменгі ай сайынғы әлеуметтік төлемі баланың отбасында туылуына байланысты ай сайынғы мемлекеттік жәрдемақыдан кем болмауы тиіс. Бала күтімі бойынша әлеуметтік төлем негізіне 2 жылдағы орташа айлық жалақы алынады.